[不方便的真相]同男人講貞操,等於同女人講環保

http://forum6.hkgolden.com/view.aspx?type=LV&message=4122921 by 流亡的歐陽修(254228) 各位巴絲,容許我咁直接,我唔係想教壞細路 但依我多年既體會,我想指出一樣野 男人想扑野,等於女人想買野 係與生俱來,天經地義 同男人講貞操,等於同女人講環保 無錯,你地有幾何會係H&M度會聽到女人話 "哎呀~!雖然件衫又平又靚,不過我都係唔買啦,今個月想環保D~嘻嘻!" 如果你聽到你身邊有女仕會咁講,我奉勸大家行遠少少 因為佢好危險,佢一係痴左線 一係想你幫佢俾錢 呢個世界無真心鍾意環保既女人 你試下同個女人講,以後佢買所有野你找數,叫佢放心買啦 我勸你講完之後可以放心搵定律師攪破產 因為條女第二日就會買起成條彌敦道 呢個世界無講環保既女人, 女人唔買野,唔係佢想環保,而係佢買唔起 一個女人有錢,可以買到毀滅左成個地球 同樣,呢個世界無講貞操既男人, 男人唔扑野,唔係佢想攞貞節牌坊,而係佢扑唔到 如果你同個男人講,聽日開始, 佢以後扑野唔洗付任何責任,任扑 佢會點一點頭, 好有禮貌咁問你邊度可以平D買到偉哥同勃勃神油 之後佢會撘的士返屋企, 沿途同的士司機有講有笑重會俾貼士 三個月之後,你會發現, 除左產房同o岩o岩係機場落地既飛機 香港已經無曬處女 原諒我咁坦白同直接 你或者會話,唔係個個都係咁既....... 呢個世界有都有唔扑野既男人 我信...... 我信佢身體唔好 呢個世界有都有唔買野既女人 我信........ 我信佢唔見左個銀包 其實做男人真係好慘 女人行街shopping買野,買多幾件 件貨分分鐘有又八折又積分又買一送一 買野俾少D錢 但係男人扑野,就真係每次都要氣運丹田出盡畢身絕學 至少我未見過男人同佢條女扑野可以儲印花 扑野出少D力 又或者條女好扑極都好似死魚咁 可以去家計會Refund 無,講到扑野 男人從來都無得簡無得渣流攤 No 扑 No gain 仲有,男人, 射左就係射左,1-0, 哨子聲一響之後就要入更衣室回下氣 係男人都想仲有2-0,3-0.可惜唔係個個都係美斯同馬勒當拿 場場波有咁多主其他馬會唔洗幾日都聽執 但係女人, 容許我富少少哲學味咁講,對於佢地黎講 "買左就係買左果D買左,未買果D仲未買" 無錯,即係話,只要資本主義一直未玩完 佢地係呢個世界都仲有野可以買 而且女人對於佢地既慾望可以好赤裸裸,好坦白 周圍同人講想買咩買咩 買唔起個袋都可以去間鋪度摸下feel下 但係男人, 周圍同人想扑邊個,分分鐘變性騷擾 見到靚女望多兩眼,就係督伯痴漢 再行埋多兩步,就係變態淫魔 如果摸埋落去,直頭第日可以見埋報 男女間之平等, 塵世間之戇鳩 由此可見 同埋,女人要明白 唔係個個男人都係國家體操隊或者馬戲團出身 甚至乎龍舟都未扒過 試問佢地又點樣應你地要求玩龍舟掛鼓呢? 無錯,女人可以係扑野上,要男人有質素保證 如果男人扑野要考牌,或者行ISO同Q嘜 班女人一定X毛都豎起去立法會遊行 叫議員唔好拉布,阻礙香港發展 朝早動議下晝通過夜晚執行 當晚電視新聞中央話會支持特區落實一國兩制依法施政 但係另一個shot影到駐港解放軍漏夜撤左兵 所以,男人之苦 莫過於成日要諗點樣去交功課 無錯,係要諗 呢科唔係小學雞中英文可以fill in the blank了左件事 呢門係一門集合左應用物理學心理學生物學人體工學流體動力學語言學舞蹈同話劇既學科 試問係幾咁難度高,科研成份幾咁重 香港有幾多十優狀元可以做得到 而且今次科研成功表演得好, 唔代表下幾次照版煮碗女人都會收貨 佢會問你點解唔自我增值與時並進 女人永遠以為 男人果度係PocketMon ,曉進化 今次識轉彎下次曉噴火 男人鍾意扑野唔代表佢就好識扑野 男人好又一餐唔好都當散餐既心態女人永遠唔會明 但係講到女人買野, 又好少男人會夠膽有要求 你有幾何會聽到男人會話女人買野Bad Taste? 無錯, 唔會, 因為男人都知咁講既後果 就係女人會買多幾件, 買到佢同你都滿意為止 所以女人買禮物俾男人, 無論質地幾咁九流 款式幾咁戇鳩, 男人都會笑住咁照單咁收 就係因為怕條女買多幾件 所以話, 世上只有陽痿既男人 而無bad taste 既女人 你話邊有得頂呢?